|
|
|
 |
|
Yrkisútbúgving innan fiskavirking og aling
Útbúgving innan fiskavirking og aling er ein nýggj ykisútbúgving, ið varð sett á stovn í 2002, og er hon fyri tey, ið ynskja at fáa eina grundleggjandi yrkisupplæring innan fiskivinnu.
Talan er um tvey sløg av yrkisútbúgvingum,
ávikavist innan flakavinnuna ella alivinnuna. Tá ið yrkissáttmáli er skrivaður millum lærling og flakavirki ella alibrúk, fer lærlingurin undir at taka støðisárið á Fiskivinnuskúlanum. Støðisárið hjá lærlingunum er tað sama sum í SIF-útbúgvingini. Eftir lokið støðisár fer lærlingurin í verkliga upplæring á flakavirki ella alibrúki í tvey ár.
Tú fært løn bæði meðan tú tekur støðisárið, og meðan tú ert í verkligari upplæring. Samlaða útbúgvingartíðin er 3 ár. Tímalønin er fyrsta árið 32% av tímalønini sambært sáttmála millum Føroya Arbeiðarafelag og Føroya Arbeiðsgevarafelag, annað árið 40% og triðja árið 45%. Sáttmálalønin pr. 1. mai 2006 er 102,80 kr. um tíman. Niðanfyri er lærlingalønin tilskilað:
1. árið 32,90 kr. um tíman
2. árið 41,12 kr. um tíman
3. árið 46,26 kr. um tíman
Herafturat skulu leggjast 12% í frítíðarløn.
|
|
|
|
|
|
|
